இம்புனும் மெரிம்புன் ஏரியும்
முன்னொரு காலத்தில் பெலாய்ட் ஆற்றின் மேற்பகுதியில் இம்புன் என்ற இளைஞன் வாழ்ந்தான். அவன் கிராமத் தலைவரின் மகன். இம்புனுக்கு வேட்டையாடுவதும் காட்டை ஆராய்வதும் பிடிக்கும். பறவைகளின் குரல்கள், மான்களின் கால்தடங்கள், மருந்தாகும் செடிகள் எல்லாம் அவனுக்குத் தெரியும். வீடு திரும்பும் ஒவ்வொரு முறையும் காட்டைப் பற்றிய புதிய கதைகளைக் குடும்பத்துக்குச் சொல்வான்.